Fiyos de Nicer

13/09/2006

Calidá que xa taba confirmanda el pasao mes de marzo, col tamén segundo premio del I Concurso de Música Folk "Escenario Prau" de Cantabria.

Cádaba faise con un segundu puestu nel I Concursu de grupos folk d'Ermua 'Folkezblai'

Los ganadores del I Concursu de grupos Folk d'Ermua foron los navarros Mielotxin

El grupu asturianu Cádaba, nacíu nel añu 2001 de l'Asociación Cultura Arcánxel San Miguel, ta acabante de llograr un segundu puestu nel I Concursu de grupos folk d'Ermua 'Folkezblai'. La formación folk, qu'en marzu d'esti mesmu añu tamién se ficiere col segundu premiu nel I Concursu de Música Folk 'Escenario Prau' de Cantabria, va recibir un premiu de 1500 euros.

El grupu Cádaba repasa nel so repertoriu mesmo obres propies que pieces tradicionales, asina como arreglos d'obres d'otros autores. La formación cuenta con instrumentos tradicionales como la gaita d'occidente, la curdión, la curdión diatónica, tambor y bombu, amás de guitarra acústica, bodhram, tecláu, flautes, wistles y percusiones africanes.

Depués de rodase per diferentes nueches celtes y conciertos, Cádaba grababa nel añu 2005 el so primer trabayu baxo'l nome 'Do y sidemól', compuestu por 12 temes, la mayor parte de composición propia xunto a dalgunes adaptaciones de pieces tradicionales.

ASTURNEWS, 12/09/2006
http://www.asturnews.com/index.php?idn=3417

Cadaba, segundos nel concursu de folk d'Ermua tres de Mielotxin

El grupu de folk asturianu Cádaba foi'l segundu clasificáu nel I Concursu de folk d'Ermua "Folkezblai", que ganaron los navarros "Mielotxin", según dio anuncia esti conceyu de Vizcaya. Los asturianos Cádaba, qu'asoleyaron l'añu pasáu'l so primer discu "Do y Si demol" vienen de l'asociación Arcángel San Miguel d'A Caridá, nel conceyu d'El Franco. El segundu puestu supón pa ellos un premiu de 1.500 euros nun concursu nel que, amás de contra Mielotxin, compitieron tamién na final col grupu gallegu Alvaro Costas & Hot Band y Xerfa, el grupu de Valladiolid A Gramalleira y los tamién asturianos Xera. El certame, que va tener continuidá, celebróse esti fin de selmana na Plaza Cardenal Orbe de Ermua y contó cola presencia, fuera de concursu, de l'artista Mercedes Peón.

ASTURIES.COM, 12/09/2006
http://www.asturies.com/noticia.php?cod=26411

más de CÁDABA en:
http://fiyosdenicer.bitacoras.com/archivos/2006/05/30/a-nosa-musica-na-capital

más del I Concursu de grupos folk d'Ermua "Folkez Blai":
http://www.ermua.es/pags/folkezblai/home.asp

Por: FdN | Interesante | Comentarios (0) | Referencias (0)
Llido: 305 veces